મારા વિશે…

મિત્રો,

મૂળ હું ચોરવાડ (જિલ્લો જુનાગઢ)નો વતની છું, પરંતુ ૧૯૯૧થી અમદાવાદનાં વસવાટને કારણે મન-વચન-કર્મથી અમદાવાદી બની ગયો છું. જુનાગઢની બહાઉદ્દીન સરકારી વિજ્ઞાન કોલેજનો ભૌતિકશાસ્ત્રનો સ્નાતક.  અમદાવાદ આવીને ૧૯૯૫મા બીજા પ્રયત્ને UPSC દ્વારા લેવાતી Civil Services Examination (જે IAS Examination તરીકે જાણીતી છે) પાસ કરી. સાહિત્યના શોખને કારણે આ પરીક્ષામાં એક વૈકલ્પિક વિષય તરીકે ‘ગુજરાતી સાહિત્ય’ પસંદ કર્યુ, અને સફળતા પણ મળી. આ સફળતામાં ગુજરાત સરકાર દ્વારા ‘સરદાર પટેલ રાજ્ય વહીવટ ભવન’ (સ્પીપા) ખાતે મળેલી તાલીમનો મોટો ફાળો છે. સ્પીપાના તે વખતના તાલીમ નિર્દેશક શ્રી ડંકેશભાઈ ઓઝાનો સાહિત્ય પ્રત્યેનો પ્રેમ અને ગુજરાતનાં પ્રખ્યાત સાહિત્યકારો દ્વારા મળેલ સાહિત્યનો અમીરસ… જેને કારણે સાહિત્ય પ્રત્યેનું આકર્ષણ વધતુ જ ગયુ.

હા, Civil Services Examination પાસ કર્યા બાદ મને મેરીટ અનુસાર Indian Audit and Accounts Service (1996 Batch) મળી. Lal Bahadur Shastri National Academy of Administration, મસૂરી અને National Academy of Audit and Accounts, સિમલા ખાતે બે વર્ષની તાલીમ મળી. ત્યાર બાદ મુંબઇ, જયપુર, અમદાવાદમાં ફરજ બજાવ્યા બાદ હાલ હું શ્રીનગર, કાશ્મીર ખાતે ફેબ્રુઆરી, ૨૦૦૫થી ફરજ બજાવુ છું.  

મારા જેવી અંતર્મુખી વ્યક્તિ માટે બ્લોગ એક આશીર્વાદ સમાન છે…