jump to navigation

ગુલમહોર સાંઢ જેવાં…!!! April 13, 2009

Posted by Jaydeep in પ્રકીર્ણ.
1 comment so far

ગુલમહોર સાંઢ જેવાં…!!!

ઢીંક મારે પવિત્રતાને કેવાં
ગુલમહોર સાંઢ જેવાં…!!!

ઢીંક માળા ફેરવતાં એ ટેરવાંને વાગી
-ને મુઠ્ઠી વાળીને પછી ભગવી એ ભદ્રતાઓ ભાગી…

કેમ કરવી ઠાકોરજીની સેવા?
ગુલમહોર સાંઢ જેવા…!!!

                                            –રમેશ પારેખ

Advertisements

પહોંચવું છે… April 8, 2009

Posted by Jaydeep in ગઝલો.
add a comment

અધ:માં છું ને ઊર્ધ્વે પહોંચવું છે;
તળેટીથી યે શિખરે પહોંચવું છે.

કોઈ રીતે સમીપે પહોંચવું છે;
‘હું’ -‘તું’ – ‘તે’ ના અભેદે પહોંચવું છે.

હતો, છું, ને હઈશ કેવળ નદીમાં;
કહ્યું કોણે કે કાંઠે પહોંચવું છે?

બધે રસ્તેથી હું પાછો વળ્યો છું;
ફક્ત એનાં જ દ્વારે પહોંચવું છે.

છે રણમાં સૂર્યની શિરમોર સત્તા;
આ નદી મૃગજળની, તીરે પહોંચવું છે.

કોઈ તારાને ખરતો રોકવાને;
મળે જો પાંખ; આભે પહોંચવું છે.

ઢળી છે સાંજ, ઈંધણ ભીનાં ભીનાં;
ઉતાવળ છે; ચિતાએ પહોંચવું છે.

                                    -ભગવતીકુમાર શર્મા